पुस १०, काठमाडौँ । दक्षिण अस्ट्रेलियामा करिब ३० हजार वर्ष पुरानो मानिने कलाकृति नष्ट गरेका छन्। केही व्यक्तिहरूको समूहले उक्त प्राचिन कलाकृति ध्वस्त पारेको बताइएको छ।

कुनल्डा गुफाको चक चूना ढुङ्गाको पर्खालहरूमा नक्काशी गरिएको न्युलरबोर प्लेन यस क्षेत्रका आदिवासी मिरिंग मानिसहरूका लागि विशेष महत्त्व भएको पूरातात्विक सम्पदा थियो। अधिकारीहरूले यस विषयमा अनुसन्धान गरिरहेका छन्।

दक्षिण अष्ट्रेलियाका महान्यायाधिवक्ता र आदिवासी मामिला मन्त्री क्याम महरले यो घटना दुखद भएको प्रतिक्रिया दिएका छन्। ‘यी गुफाहरू देशको त्यो भागको आदिवासी पेशाको प्रारम्भिक प्रमाणहरू हुन्।’ उनले भनेका छन्।

वरिष्ठ मिर्निङ एल्डर अंकल बुन्ना लरीलेपहिलो पटक मिडियाबाट विनाशकारी तोडफोडको बारेमा सुनेको र यो घटना निरन्तर अनादरको अर्को उदाहरण भएको बताए। कुनल्डा गुफा २०१४ देखि राष्ट्रिय सम्पदा स्थलको रूपमा सूचीबद्ध गरिएको छ।

महरले यस तोडफोडमा जिम्मेवार पाइने व्यक्तिहरूको कानुनी कारबाहीको सामना गर्ने बताएका छन्। अष्ट्रेलियामा आदिवासी साइट वा वस्तुलाई क्षति पुर्याएको फेला परेका व्यक्तिहरूले १० हजार अष्ट्रेलियन डलर र ६ महिनासम्मको जेल सजाय भोग्नु पर्ने कानुनी प्रावधान रहेको छ।