पुस १२, एजेन्सी ।

गोल्ड कोस्टमा एक व्यक्तिले घरमा चोरी गर्न आएका ३ जनालाई लखेटेका छन्। अर्धनग्न अवस्थामा नै उनी चोरसँग लडेको भिडियो सिसिटिभीमा कैद भएपछि सार्वजनिक गरिएको छ।

उक्त दृश्यमा एक व्यक्तिले स्क्रिनमा रहेका एकजना युवालाई शर्टले समातेको देख्न सकिन्छ भने अर्कोले ब्याटले हिर्काउने प्रयास गरेको देखिन्छ।

बक्सिङ डे बिहान घर लुट्ने प्रयास भएपछि यो दृश्य सिसिटिभीमा कैद भएको थियो। केही समयमा नै यस विषयले अनलाइनमा चर्चा पाएको छ।

भिडियोमा देखिएका ५० वर्षीय स्टिभ मिडलटन रहेको पुष्टि भएको छ। उनले घरमा सुतिरहेको अवस्थामा केही मानिसले लुट्ने प्रयास गरेको बताएका छन्।

द गोल्ड कोस्ट हेराल्डसँग उनले सुतिरहेको अवस्थामा अर्धनग्न नै भएता पनि लुटेराहरूसँग लडेको बताएका छन्। प्रहरीले यस विषयमा अनुसन्धान गरिरहेको जानकारी दिएको छ।