पुस १३, मेलबर्न अष्ट्रेलिया । क्रिसमसको दिन बेपत्ता भएका श्रीमान श्रीमती मृत फेला परेका छन्। उनीहरूसँगै हराएका तीन बालबालिका भने सकुशल फेला परेको साउथ अष्ट्रेलिया प्रहरीले जानकारी दिएको छ।

२५ वर्षीय सिन्डी ब्राडक र २८ वर्षीय ज्याक डेले आफ्ना तीन बच्चाहरुसँगै आइतबार बिहान १ बजे नर्थम छोडेका थिए।

सोमबार दिउँसो क्रिसमस मनाउन सरिक नहुँदा परिवारका पाँचजना बेपत्ता भएको रिपोर्ट गरिएको थियो।

मंगलबार दिउँसो आफ्नो गृहनगर कोन्डिनिनबाट १० किलोमिटर टाढा परिवारका सदस्य मृतक अवस्थामा ल्यान्ड रोभर फेला पारेको प्रहरीले साँझ खुलासा गरेको छ।

श्रीमान श्रीमतीको मृत्यु भएता पनि तीन जना छोराछोरी सकुशल रहेको प्रहरीले बताएको छ। उनीहरुको दुई महिनाको बच्चा कार भित्र फसेको अवस्थामा फेला पारिएको थियो।

अन्य २ बालबालिका भनेर भागेका थिए। तर, उनीहरू दुर्घटना भएको दुई दिन भन्दा बढी समयदेखि कारको नजिक रहेको विश्वास गरिएको छ।

बालबालिका सबैलाई अस्पताल लगिएको छ। उनीहरु सबैको अवस्था स्थिर रहेको बुझिएको छ।