पुस १५, मेलबर्न अष्ट्रेलिया । सिड्नीको दक्षिणपश्चिममा रहेको एक सपिङ सेन्टरमा बालबालिकालाई यौनजन्य हिंसा गरेको आरोपमा एक व्यक्तिलाई २१ वटा अपराधको अभियोग लगाइएको छ।

डिसेम्बर २१ मा दिउँसो ३.१५ बजे लिभरपुलको एलिजाबेथ ड्राइभमा रहेको केन्द्रमा एकजना व्यक्तिले छ वर्षीया र नौ वर्षीया बालिकालाई गलत मनसायले छोएको रिपोर्ट गरेर प्रहरीलाई बोलाइएको थियो।

सपिङ सेन्टरबाट बाहिर निस्कन खोज्दा २६ वर्षीय युवकलाई पक्राउ गरिएको हो। न्यु साउथ वेल्स पुलिसले उक्त व्यक्तिले त्यस दिन एउटै केन्द्रमा नौ जनालाई यौनजन्य हिंसा र दुव्र्यवहार गरेको आरोप लगाएको छ।

ती व्यक्तिलाई सुरुमा सामान्य आक्रमण र डर वा शारीरिक हानि गर्ने उद्देश्यले पीछा गर्ने वा धम्की दिने दुईवटा आरोप लगाइएको थियो। तर थप अनुसन्धानपछि प्रहरीले बिहीबार थप १८ वटा मुद्दा दायर गरेको छ ।

लिभरपुलका ती व्यक्तिलाई जमानत अस्वीकार गरियो र जनवरीमा लिभरपुल स्थानीय अदालतमा पुन: हाजिर गराइनेछ।