पुस १८, मेलबर्न अष्ट्रेलिया । गोल्ड कोस्टस्थित सी वर्ल्ड नजिक दुईवटा हेलिकप्टर एक आपसमा ठोक्किँदा चार जनाको मृत्यु भएको छ भने तीन जना गम्भीर घाइते भएका छन्।

स्थानीय समय अनुसार दिउँसो २ बजे भएको उक्त घटनापछि कम्तीमा १३ जनालाई उपचार गरिएको थियो।

क्वीन्सल्याण्ड पुलिस दक्षिण पूर्वी क्षेत्रीय ड्यूटी अफिसर ग्यारी वोरेलले चार जनाको मृत्युको पुष्टि गर्दै थप तीन जना अस्पतालमा गम्भीर अवस्थामा रहेको बताएका छन्। अधिकारीहरूले घटनाको वास्तविक कारणको बारेमा अनुसन्धान गरिरहेका छन्।

एउटा हेलिकप्टर अवतर गर्ने र अर्को उड्ने तयारी गरिरहेको अवस्थामा दुईवटा हेलिकप्टर ठोक्किएको हुनसक्ने कार्यवाहक निरीक्षक वोरेलले बताएका छन्। अष्ट्रेलियाको यातायात सुरक्षा ब्यूरोले घटना कसरी भयो भनेर अनुसन्धान गर्ने बताइएको छ।

अहिले सार्वजनिक भएका तस्बिरहरूमा दुबै हेलिकप्टर बालुवामा पल्टिएको देखिएका छन्। आपतकालीन कामदारहरू तिनीहरूको वरिपरि झुण्डिएका छन्।

घाइते तीन यात्रुहरू एक महिला र दुई युवाहरूको गम्भीर अवस्थामा गोल्ड कोस्ट विश्वविद्यालय अस्पतालमा उपचार भइरहेको छ।

पाँच यात्रु बोकेको अर्को हेलिकप्टरको पाइलटले ब्रोडवाटरको बीचमा बालुवाको किनारमा अवतरण गर्न सफल हुँदा थप मृत्यु हुनबाट जोगिएको बताइएको छ।

सीवर्ल्ड ड्राइभ यातायातका लागि बन्द गरिएको छ र सर्वसाधारणलाई यस क्षेत्रबाट जोगिन आग्रह गरिएको छ।