ट्रकको ठक्करबाट एडिलेडमा स्कुल गइरहेका २ विद्यार्थी गम्भीर घाइते
८ चैत, मेलबर्न, अष्ट्रेलिया । एडिलेडमा स्कुलका २ विद्यार्थीलाई ट्रकले ठक्कर दिएको छ। ट्रकको ठक्करबाट उनीहरू गम्भीर घाइते भएको बताइएको छ।
बुधवार बिहान ८ बजेपछि एडिलेडको म्यारियाटभिल हाईस्कूलको अगाडि केन्सिङ्टन रोडमा पैदल यात्रु क्रसिङमा १६ वर्षीय किशोर र किशोरीलाई ट्रकले ठक्कर दिएको थियो।
अन्य विद्यार्थीहरूले उक्त घटना प्रत्यक्ष देखेको बताइएको छ।
‘पैदल यात्री बत्तिमा यो घटना भएको हो। दुबैलाई उपचारका लागि रोयल एडिलेड अस्पताल लगिएको छ। त्यहाँ एक किशोर र किशोरी गम्भीर अवस्थामा छन्।’ सुपरिटेन्डेन्ट नरेल कमेनियारले भनिन्।
ट्रकका चालक ५९ वर्षीय पुरुषलाई कुनै चोटपटक लागेको छैन। उनले दुर्घटनाको अनुसन्धानमा प्रहरीलाई सहयोग गरिरहेका छन्।
