चैत १५, मेलबर्न, अष्ट्रेलिया । मेलबर्नको उत्तरी भागमा रहेको एक सपिङ सेन्टरमा झगडा हुँदा एक किशोरलाई छुरा प्रहार गरिएको छ।

ब्रोडमीडोजको पास्को भेल रोडमा रहेको एक सपिङ सेन्टरमा मंगलबार दिउँसो करिब ३.५० बजे ६ जना मानिसबीच झगडा भएको प्रहरीले जनाएको छ।

झगडाको क्रममा एक किशोरलाई छुरा प्रहार गरिएको थियो र उनको हात र टाउकोमा चोट लागेको अवस्थामा रोयल मेलबर्न अस्पताल लगिएको थियो।

उनलाई गम्भीर तर स्थीर अवस्थामा सोही अस्पतालमा उपचार गराइरहेको जानकारी दिएको छ। घटनास्थलबाट ६ जना मानिस फरार रहेको पाइएको छ।

सामान्य विवादबाट सुरू भएको झगडा तत्कालै हानाहानको स्थितिमा पुगेको थियो। प्रत्यक्षदर्शीले दिएको जानकारी एक व्यक्तिले धारिलो हतियार बोकेका थिए।

थप जानकारी भएका जो कोहीलाई भिक्टोरिया प्रहरीले सम्पर्कमा आउन अनुरोध गरेको छ।