चैत २७, मेलबर्न, अष्ट्रेलिया । एक बालिका सिड्नीको घरबाट बेपत्ता भएकी छिन् । उनी बेपत्ता भएपछि अधिकारी तथा परिवारहरूले उनको अवस्थाबारे चिन्ता प्रकट गरेका छन्।

१४ वर्षीया एले मानोलासलाई अन्तिम पटक शनिबार राति करिब ९ः३० बजे लुइसामको गोल्ड एभिन्यूमा रहेको घरमा देखिएको थियो।

उनको परिवारले उनी बेपत्ता भएको थाहा पाएपछि प्रहरीलाई खबर गरेको थियो। प्रहरीले तुरून्त उक्त ठेगानामा पुगेर सोधपुछ गरेका थिए।

मनोलास लामो खैरो कपाल र खैरो आँखा भएकी पातली किशोरी भएको बताइएको छ। गोरो वर्णकी उनको उचाइ १६० सेमी रहेको बताइएको छ।

उनी बारम्बार लेविशाम, बुरवुड, लिभरपूल र क्यानली भेल क्षेत्रमा जाने गरेको बताइएको छ।

कसैलाई उनको ठेगानाको बारेमा जानकारी भएमा 1800 333 000 मा सम्पर्क गर्न आग्रह गरिएको छ।