वैशाख २०, मेलबर्न, अष्ट्रेलिया । दक्षिण अष्ट्रे लियाको मध्य उत्तरमा रहेको एउटा घरमा दुई प्रहरी अधिकारीलाई छुरा प्रहार गरिएको छ।

प्रहरीले दिएको जानकारी अनुसार उनीहरूलाई बुधबार बिहान १०.१५ बजे क्रिस्टल ब्रुकको साइमन्स स्ट्रिटमा रहेको घरमा अर्कै विषयमा सोधपुछ गर्नका लागि बोलाइएको थियो।

घरमा रहेका बेला दुई अधिकारीलाई छुरा प्रहार गरी गम्भीर चोट लागेको थियो। त्यस्तै, आक्रमणकारीलाई प्रहरीले गोली हानेको थियो। उक्त गोली लागेर आक्रमणकारीको घटनास्थलमै मृत्यु भएको प्रहरीले जानकारी दिएको छ।

घाइते अधिकारीहरूलाई रोयल एडिलेड अस्पतालमा हेलिकप्टरबाट लगिएको जानकारी दिएका छन्।

दक्षिण अष्ट्रेलियाका प्रिमियर पिटर मालिनौस्कसले उच्च जोखिमको घटनाको सम्बन्धमा पुलिस आयुक्त ग्रान्ट स्टिभन्ससँग कुरा गरेको विज्ञप्तिमार्फत जानकारी दिएका छन्।