पर्थमा मोटरसाइकल दुर्घटना हुँदा २ जनाको मृत्यु, २ बालबालिका घाइते
वैशाख २६, मेलबर्न, अष्ट्रेलिया । पर्थको दक्षिणी क्षेत्रमा मोटरसाइकल ठोक्किँदा दुई जनाको मृत्यु भएको छ भने दुई बालबालिका घाइते भएका छन्।
सोमबार साँझ करिब ५ः२० बजे मोटरसाइकल र एक कार सेक्रेट हार्बरको सर्फ ड्राइभ र वार्नब्रो साउन्ड एभनको दोबाटोमा ठोक्किएका थिए। उक्त सवारीका चालक २० र ३२ वर्षीय पुरूषको घटनास्थलमै मृत्यु भएको प्रहरीले जानकारी दिएको छ।
गाडीमा सवार १२ वर्षीया बालिका र ४ वर्षीय एक बालकलाई सामान्य चोटपटक लागेको छ। उनीहरूको पर्थ बाल अस्पतालमा उपचार भइरहेको छ।
प्रमुख दुर्घटना अन्वेषकहरूले दुर्घटनाको परिस्थितिहरूको अनुसन्धान गरिरहेका छन्। कसैलाई यस दुर्घटनाबारे जानकारी भएमा 1800 333 000 मा सम्पर्क गर्न आग्रह गरिएको छ।
