अष्ट्रेलियामा २ महिनादेखि बेपत्ता भएका साैरभ सकुशल फेला, परिवारसँग गरे सम्पर्क
जेठ १२, काठमाडाैँ । सिड्नीमा २ महिनादेखि बेपत्ता भएका साैरभ कार्की सकुशल फेला परेका छन्। गत मार्च २३ देखि सम्पर्कविहीन भएका साैरभ परिवार तथा प्रहरीको सम्पर्कमा पुगेका हुन्।
उनले प्रहरी तथा परिवारको सम्पर्कमा गएर व्यक्तिगत समस्याका कारण सबैको सम्पर्क बाहिर रहेको बताएका छन्। काठमाडाैँमा रहेका उनको दिदीले पनि भााइसँग सम्पर्क भएको पुष्टि गरेकी छिन्।
बुधबार न्यु साउथ वेल्सको प्रहरीले उनी २ महिनादेखि सम्पर्क विहीन भएको बताउँदै कतै देखेका खबर गर्न अनुरोध गरेको थियो।
अहिले सबैको सम्पर्कमा पुगेका साैरभ नेपाल फर्किने तयारी गरिरहेको बताइएको छ।
