भिक्टोरियामा भएको भयानक कार दुर्घटनामा ४ जना महिलाको मृत्यु
जेठ १४, मेलबर्न, अष्ट्रेलिया । भिक्टोरियामा चालकले नियन्त्रण गुमाएर रुखलाई ठक्कर दिँदा भएको भीषण दुर्घटनामा चार महिलाको मृत्यु भएको छ।
शनिबार बिहान करिब ९.३० बजे मेलबर्नबाट ३२० किलोमिटर पश्चिममा पर्ने बोचराको वानोन–निग्रेटा रोडमा पाँचजना महिला सवार रहेको कार रूखमा ठोक्किएको हो।
चालकले नियन्त्रण गुमाएपछि कार सडक छोडेर रुखमा ठोक्किएको प्रहरीले जानकारी दिएको छ।
सनाखत हुन नसकेका चार महिलाको घटनास्थलमै मृत्यु भएको थियो भने पाँचौंलाई गम्भीर घाइते अवस्थामा अस्पताल लगिएको थियो। प्रहरीले यस घटनाको बारेमा थप अनुसन्धान गरिरहेको जानकारी दिएको छ।
