जेठ १६, मेलबर्न, अष्ट्रेलिया । प्रहरीले १२० किलो कोकिन फेला पारेपछि सिड्नीमा दुई ग्रीस नागरिकलाई पक्राउ गरेको छ। ६ करोड डलर बराबरको कोकिन कन्टेनरमा लुकाएर उनीहरू अष्ट्रेलिया प्रवेश गर्न लागेको प्रहरीले बताएको छ।

प्रहरीका अनुसार अङ्ग्रेजी नबोल्ने एथेन्सका दुईजना मानिस लागूऔषध तस्करीको योजना बनाइरहेका थिए। तर, प्रहरीको सतर्कताका कारण उनीहरूको प्रयास विफल भएको छ।

सिड्नीको मुख्य बन्दरगाह नजिकैको एक लजिस्टिक कम्पनीमा प्रहरीले कोकिनका १२० वटा प्याकहरू फेला पारेको थियो। ती प्रत्येक एक-एक किलोग्राम तौलका रहेको पाइएको छ।

कन्टेनर यार्डमा एक २७ वर्षीय पुरुषलाई प्रहरीले पक्राउ गरेको छ। तर अर्का १९ वर्षीय युवक भागेको प्रहरीले जानकारी दिएको छ।

विशेषज्ञ पुलिसहरूले स्ट्राइक फोर्स बाइल्स अन्तर्गत अनुसन्धानको नियन्त्रण लिएर अष्ट्रेलियाली सीमा बलको सहयोगमा उक्त लागुऔषध बरामद गरेको बताइएको छ।

कन्टेनरको पर्खाल भित्र भण्डार गरिएको औषधिको मूल्य लगभग ६ करोड डलर रहेको अनुमान गरिएको छ।

स्ट्राइक फोर्स बाइल्स “रिप अन, रिप अफ” नामक विधि प्रयोग गरी अवैध लागूऔषधको व्यापक वितरणलाई रोक्न स्थापना गरिएको थियो।

कतिपय अवस्थामा अपराधीहरूले निर्दोष कम्पनीहरूसँग सम्बन्धित ढुवानी कन्टेनरहरूमा ड्रग कम्पनीलाई थाहै नदिइ लुकाउने गरेका छन्।

डिटेक्टिभ कार्यवाहक सुपरिटेन्डेन्ट म्याथ्यू केनेडीले प्रहरीले कसरी ग्रीकहरू सिड्नीमा आपराधिक सिन्डिकेट र अन्डरवर्ल्ड व्यक्तिहरूसँग जोडिएको थियो भनेर अनुसन्धान गरिरहेको जानकारी दिएका छन्।

उनले उक्त कन्टेनर इटालीबाट आएको पाइएको पनि बताएका छन्।

प्रहरीले पहिले भागे १९ वर्षीय युवक समेत पक्राउ परेर थप अनुसन्धान सुरू भइसकेको जानकारी दिएको छ।