क्वाडबाइक दुर्घटनामा परि अष्ट्रेलियामा ४ वर्षीया बालिकाको मृत्यु
असार ४, मेलबर्न, अष्ट्रेलिया । क्विन्सल्याण्डमा भएको क्वाडबाइक दुर्घटनामा एक बालिकको मृत्यु भएको छ। गत शनिबार भएको दुर्घटनामा उक्त बालिकको मृत्यु भएको जानकारी दिइएको छ।
क्वीन्सल्याण्ड प्रहरीले घटना शनिबार दिउँसो ४:३० बजे इस्लाको एउटा घरमा भएको पुष्टि गरेको छ। मृतक चार वर्षीया बालिका रहेको बुझिएको छ।
अर्का एक बालकलाई सामान्य चोट लागेको र उनलाई अस्पताल लगिएको प्रहरीले जनाएको छ।
प्रहरीले अहिले यस घटनाको बारेमा अनुसन्धान गरिरहेको जानकारी दिएको छ।
गत हप्ता नै सवारी दुर्घटनामा १७ वर्षीय बालकको पनि ज्यान गएको थियो। पछिल्लो समय अष्ट्रेलियामा दुर्घटनाबाट मृत्यु हुनेको संख्या बढिरहेको छ।
