असार ११, मेलबर्न, अष्ट्रेलिया । मेलबर्नको सडकमा एक व्यक्तिमाथि छुरा प्रहार भएको छ। अर्को व्यक्तिसँग भएको झगडाको क्रममा उनीमाथि छुरा प्रहार भएको प्रहरीले जानकारी दिएको छ।

भिक्टोरिया प्रहरीले शनिबार राति प्रहरानको हाई र पर्थ सडकको छेउछाउमा दुईजना पुरुषबीच झगडा गरेको देखिएको बताएको छ।

करीब ११ बजे बोलाइएको प्रहरी र प्यारामेडिकको टोलीले २७ वर्षीय एक पुरूष घाइते अवस्थामा फेला पारेका थिए। प्रहरीले दिएको जानकारी अनुसार उनले लागू पदार्थ सेवन गरेको देखिएको छ।

पाखुरा र हातमा चोट लागेका उनलाई उपचारका लागि अस्पताल लगिएको थियो भने अर्को व्यक्ति प्रहरी नपुग्दै घटनास्थलबाट फरार भएका थिए।

अहिले प्रहरीले तीव्र रूपमा उनको खोजी गरिरहेको छ।

“यस चरणमा, घटना वरपरका परिस्थितिहरू अस्पष्ट छन्। तर, यो आकस्मिक घटना हो भनेर विश्वास गरिएको छैन, “प्रहरीले भनेको छ।

कुनै पनि साक्षी वा जानकारी वा ड्यासक्याम भिडियो भएको जो कोहीलाई 1800 333 000मा सम्पर्क गर्न अनुरोध गरिएको छ।