क्विन्सल्याण्डको कारखानामा विष्फोट हुँदा ४ जना घाइते, अस्पताल भर्ना
असार ११, मेलबर्न, अष्ट्रेलिया । बुन्डाबर्ग ब्रुइड ड्रिंक्स परिसरमा ग्यास विष्फोट हुँदा चार जना घाइते भएका छन्। उनीहरूको अनुहार जलेपछि अस्पताल भर्ना गरिएको जानकारी दिइएको छ।
थाबेबानको के म्याकडफ ड्राइभमा दिउँसो २ बजे विष्फोट भएको रिपोर्ट गरिएको थियो। त्यसपछि क्वीन्सल्याण्ड फायर र आपतकालीन सेवाका कर्मचारीहरूलाई घटनास्थलमा पुगेका थिए।
प्यारामेडिकहरूले चार जनालाई बुन्डाबर्ग अस्पतालमा पुर्याएका छन्। उनीहरू सबैको अनुहार जलेको बताइएको छ।
एक बिरामीको अवस्था गम्भीर रहेको बताइएको छ भने अन्य तीन जनाको अवस्था स्थिर रहेको छ।
उक्त परिसर अहिले परिसर खाली गरिएको छ भने आगलागीको कुनै रिपोर्ट छैन। यस विषयमा थप अनुसन्धान भइरहेको जानकारी दिइएको छ।
