असार १४, मेलबर्न, अष्ट्रेलिया । अष्ट्रेलियाको चर्चित सुपरस्टोर वुलवर्थको एक कारखानामा प्यालेट खस्दा एक मजदुरको मृत्यु भएको छ।

कार्यस्थल दुर्घटना सुरुमा रिपोर्ट गरेपछि आपतकालीन सेवाहरू मिन्चिनबरीको सार्जेन्ट्स रोडमा भएको घटनास्थलमा पुगेका थिए।

धेरै प्यालेटहरू ढलेपछि तीन जना घाइते भएका थिए। प्यारामेडिकहरूले घाइते भएका व्यक्तिलाई वेस्टमेड अस्पतालमा लगेका थिए।

उपचारका क्रममा गम्भीर अवस्थामा रहेका ३७ वर्षीय पुरुषको बुधबार अस्पतालमा मृत्यु भएको हो। अन्य दुई पुरुषहरूको गम्भीर तर स्थिर अवस्थामा अस्पतालमा उपचार भइरहेको जानकारी दिइएको छ।

यस घटनाको बारेमा सेफवर्क न्यु साउथ वेल्सले अनुसन्धान गर्ने जानकारी दिइएको छ। त्यस्तै, वुलवर्थले यस घटनाले विक्षिप्त भएको बताउँदै गहिरो दुः ख प्रकट गरेको छ।