साउन १८, मेलबर्न, अष्ट्रेलिया । अष्ट्रेलियामा २ भाग्यशाली व्यक्तिहरूले १० करोड डलरको पावरबल चिठ्ठा जितेका छन्। एक भाग्यशालीले अष्ट्रेलियाको सबैभन्दा ठूलो चिठ्ठा जितेको ६ हप्तामा नै अर्का दुई भाग्यशाली साबित भएका हुन्।

यो ड्र यस वर्षको कुनै पनि अष्ट्रेलियाली लटरी खेलको सबैभन्दा ठूलो ज्याकपोट हो।

लगातार पाँचाैँ हप्तासम्म कसैले जित्न नसकेपछि पावरबल ड्रको पुरस्कार बढेर १० करोड डलर पुगेको थियो।

विजेता नम्बरहरू १३, ७, १८, २३, २५ र ३३ रहेका छन्। त्यस्तै, पावरबल नम्बर भने ७ रहेको छ। विजेता दुई भाग्यशाली व्यक्तिहरूले पाँच-पाँच करोड पाउने भएका छन्।

अष्ट्रेलियाका करिब आधा वयस्कहरूले पावरबल ड्रमा साँझ प्रवेश गर्ने अपेक्षा गरिएको थियो।

द लोटका अनुसार डिभिजन वन पुरस्कार घरमा लैजानका लागि एक पन्टरले एकै खेलमा सबै सात विजेता नम्बरहरू र पावरबल नम्बरहरू चयन गर्नुपर्नेछ।

“केवल छ हप्ता अघि हामीले १० करोडको पावरबल ड्र गरेका थियौं,” द लोटका प्रवक्ता अन्ना होब्डेलले भने।

उक्त ड्रमा बैंकस्टाउन एक बुबाले सबै पुरस्कार जित्दै अष्ट्रेलियाका दोस्रो-सबैभन्दा ठूलो व्यक्तिगत लटरी विजेता बनेका थिए।