भदाै २६, मेलबर्न, अष्ट्रेलिया । सिड्नीको पश्चिमी क्षेत्रमा भएको गोली काण्डमा संलग्न भएको आरोपमा प्रहरीले तीन जनाको खोजी तीव्र बनाएको छ।

आइतबार आकस्मिक शल्यक्रियाको लागि वेस्टमीड अस्पताल लगिनु अघि आज दिउँसो बिडविलको कार्लिसिल एभिन्यूमा २० वर्षका एक व्यक्ति गम्भीर घाइते अवस्थामा फेला परेका थिए। उक्त घटनाका प्रत्यक्षदर्शीले तीन जनाको समूहले उनिमाथि गोली चलाएको बताएका छन्।

“म मेरी छोरीको ओछ्यानको तन्ना बाहिर झुन्ड्याउँदै थिएँ र अचानक तीनवटा गोलीको आवाज सुने र भित्र भागे,” एक स्थानीयले भने।

उक्त क्षेत्रमा बच्चाहरू खेलिरहेको ठाउँबाट केही मिटर टाढा बिडविल स्क्वायर पछाडिको बाटोमा गोलीको एउटा छर्रा फेला पारेको प्रहरीले जानकारी दिएको छ। त्यस्तै, बाटोको तल रगत फेला परेको थियो। जुन प्रहरीले गोली हान्ने व्यक्तिको भएको बताएको थियो।

घाइते व्यक्ति रगत बगिरहेको अवस्थामा करिब १०० मिटर टाढा एक साथीको घरमा भागेको बुझिएको छ। प्रहरीले खबर गरेपछि प्यारामेडिकहरूले प्राथमिक उपचार गरेर घाइतेलाई उपचारका लागि अस्पताल लगिएको बताइएको छ।