भदाै २६, मेलबर्न, अष्ट्रेलिया । मेलबर्नको एक सपिङ सेन्टरमा दुई युवालाई छुरा प्रहार गरिएको छ। परिवारकै अगाडी उनीहरूमाथि छुरा प्रहार गरिएको बताइएको छ।

शनिबार बेलुका ६.४५ बजे वेस्टफिल्ड डोनकास्टरमा पुरुषहरूको दुई समूहबीच झगडा भएपछि आपतकालीन सेवाहरू बोलाइएको थियो।

सिसिटिभी फुटेजमा पीडित मध्येका एक जना भुइँमा लडेर आफ्नो सुरक्षाका लागि आक्रमणकारीहरूलाई लात हान्न थालेको देखिएको छ।

त्यसपछि २१ वर्षीया व्यक्तिलाई चक्कु प्रहार गरिन्छ। दोस्रो २१ वर्षीय पुरुषलाई पनि सोही क्रममा छुरा प्रहार गरिएको सिसिटिभीमा देखिएको छ। अहिले दुवै जनाको अस्पतालमा उपचार भइरहेको जानकारी दिइएको छ। एकजनाको अवस्था गम्भीर रहेको छ भने अर्का व्यक्ति खतरा मुक्त रहेका छन्।

यो हिंसात्मक घटना फूड कोर्टमा बसिरहेका आमा र उनका साना बच्चाहरूबाट केही मिटरको दूरीमा भएको थियो। दुई समुहले एकअर्कालाई नचिनेको प्रहरीले जनाएको छ।

प्रहरीले यस घटनामा संलग्न भएको अभियोगमा  स्प्रिंगभेलका १९ वर्षीय युवक, मिल पार्कका १७ वर्षीय किशोरू र नारे वारेनका १८ वर्षीय युवकलाई भाग्दै गरेको अवस्थामा पक्राउ गरेको छ।

उनीहरुले प्रहरीलाई सोधपुछमा सहयोग गरिरहेका छन् र कसैलाई जानकारी भएमा प्रहरीलाई सम्पर्क गर्न आग्रह गरिएको छ।