२४ असोज, मेलबर्न अष्ट्रेलिया । अष्ट्रेलियामा जारी बिडनिगो इन्टरनेस्नल च्याम्पियनसिपमा नेपालका खेलाडीले विजयी यात्रा सुरु गरेका छन्। भिक्टोरियाको बेन्डिगोस्थित रेड इनर्जी एरिनामा भएको खेलमा नेपालका प्रिन्स दाहालले अष्ट्रेलियाका जो याउ (डेबिड)लाई सोझो सेटमा हराएका हुन्। प्रिन्सले पहिलो सेटमा डेविटलाई १०–२१ मा हराए भने दोस्रो सेटमा ६–२१ मा हराउन सफल भए।

यस्तै, दोस्रो खेलमा नेपालका प्रफुल महर्जनले अष्ट्रेलियाका निलम ओमकारलाई पनि सहजै हराएका छन्। उनले निलम ओमकारलाई १०–२१ र १०–२१ को सोझो सेटमा हराउँदै अर्को चरणको यात्रा तय गरेका हुन्।

त्यसैगरी, मेन्स डबलमा नेपालका विष्णु कटवाल र प्रिन्स दाहालको जोडीले अष्ट्रेलियाका खेलाडीहरूमाथि उत्कृष्ट कमब्याक गर्दै रोमाञ्चक जित सहित दोश्रो चरणको यात्रा तय गरेका छन्।

महिला तर्फको ब्याडमिन्टन तर्फ नेपालकी अनुमाया राई अष्ट्रेलिायाका खेलाडीसँग पराजित भएकी छन्। अक्टोबर १५ सम्म चल्ने यस प्रतियोगितामा नेपालका ५ जना खेलाडीले भाग लिएका छन्।

अब नेपाली खेलाडीहरूले भोली अर्थात बिहीबार २ वटा सिंगल र एउटा डबल्समा प्रतिपस्पर्धा गर्नेछन् ।