आज एक हजारले घट्यो सुनको मूल्य, तोलाको कति पुग्यो ?
कार्तिक २३, काठमाडौँ । आज नेपाली बजारमा बिहीबार सुनचाँदीको मूल्य घटेको छ। आज (बिहीबार) सुनको मूल्य प्रतितोला एक हजार रुपैयाँले घटेको सुनचाँदी व्यवसायी महासंघले जनाएको छ।
बुधबार छापावाला सुनको मूल्य प्रतितोला १ लाख १४ हजार ७ सय रुपैयाँमा कारोबार भएको थियो। बिहीबार प्रतितोला एक हजार रुपैयाँले घटेर १ लाख १३ हजार ७ सय रुपैयाँमा कारोबार भएको महासंघले जनाएको छ।
आज तेजाबी सुन तोलाको एक लाख १३ हजार १५० रुपैयाँमा कारोबार भइरहेको छ। साथै, बिहीबार चाँदीको मूल्य प्रतितोला ५ रुपैयाँले घटेर १३ सय ८० रुपैयाँमा कारोबार भएको महासंघले जनाएको छ।
