मंसिर १, काठमाडौँ । अस्ट्रेलिया एक दिवसीय विश्वकप क्रिकेटको फाइनलमा प्रवेश गरेको छ। बिहीबार बेलुका भएको सेमिफाइनलमा दक्षिण अफ्रिकालाई ३ विकेटले पराजित गर्दै अस्ट्रेलिया फाइनलमा प्रवेश गरेको हो।

टस जितेर पहिले ब्याटिङ गरेको दक्षिण अफ्रिकाले ४९ं४ ओभरमा सबै विकेट गुमाएर २१२ रन बनाउन बनायो। २१३ रनको लक्ष्य पाएको अस्ट्रेलियाले ७ विकेटको क्षतिमा ४८ औं ओभरको दोस्रो बलमा पूरा गर्यो।

अस्ट्रेलियाको जितमा ओपनर ट्राभिस हेडले अर्धसतकीय इनिङ खेले। ट्राभिस ४८ बलमा ६२ तथा अर्का ओपनर डेभिड वार्नरले १८ बलमा २९ रन जोड्दै उत्कृष्ठ सुरुवात दिलाए।

मिचेल मार्स शून्य रनमै आउट हुँदा स्टेभिन स्मिथले ३० रनको योगदान गरे। मार्नस लाबुसचेन १८ रनमा एलबीडब्ल्यु धरापमा पर्दा ग्लेन म्याक्सवेल १ रनमै बोल्ड हुन पुगे।

जोस इंग्लिस २८ रनको योगदान गर्दा मिचेल स्टार्क १६ र कप्तान प्याट कमिन्स १४ रनमा नटआउट रहे। दक्षिण अफ्रिकाका कागिसो रबाडा, एडेन मार्कराम र केशव महाराजले समान एक विकेट लिँदा जेराल्ड कोयल्जी र तबरेज शम्सीले समान दुई विकेट लिए।

त्यसअघि दक्षिण अफ्रिकाका डेविड मिलरले १ सय १ रनको सानदार शतकीय इनिङ खेल्दै टोलिलाई सम्मानजनक स्कोरमा पु¥याएका थिए। हेनरिक क्लासेनले ४७ रन बनाउनु बाहेक अन्य ब्याटर भने चल्न सकेनन्।

अस्ट्रेलियाका प्याट कमिन्स र मिचेल स्टार्कले समान ३ विकेट लिए। ट्रविस हेड र जोश हेजलवुडले समान २ विकेट हात पारे। अब अस्ट्रेलियाले उपाधिका लागि भारतको सामना गर्नेछ। फाइनल खेल आगामी आइतबार अहमदाबादस्थित नरेन्द्र मोदी रंगशालामा हुनेछ।