टोपबहादुरका छोरालाई ३० लाख धरौटीमा छाड्न आदेश
मंसिर १५, काठमाडौँ । नक्कली भुटानी शरणार्थी प्रकरणमा उच्च अदालत, पाटनले पुर्पक्षका लागि थुनामा रहेका पूर्वउपप्रधानमन्त्री तथा एमाले सचिव टोपबहादुर रायमाझीका छोरा सन्दीप रायमाझीलाई धरौटीमा छाड्न आदेश दिएको छ। उच्च अदालत, पाटनले शुक्रबार उनलाई ३० लाख रुपैयाँ धरौटीमा छाड्न आदेश दिएको हो।
अभियोग दाबीबाट कसुर पुष्टि हुने नदेखिएको भन्दै उनलाई छाड्ने आदेश भएको हो। टोपबहादुरलाई भने पुर्पक्षका लागि थुनामा पठाउने आदेश दिएको छ।
उनका बुबा टोपबहादुर रायमाझीको हकमा भने उच्च अदालतले जिल्लाकै निर्णय यथावत् रहने आदेश सुनाएको छ। जिल्लाले टोपबहादुरलाई थुनामा राख्न आदेश दिएको थियो। प्रहरीले उनलाई २० वैशाखमा बुटवलबाट पक्राउ गरेर काठमाडौं ल्याएको थियो।
