यू–१९ विश्वकप क्रिकेट : न्युजिल्याण्डले नेपाललाई दियो ३०३ रनको लक्ष्य
माघ ७, काठमाडौं । आइसीसी यू–१९ एक दिवसीय विश्वकप क्रिकेटमा न्युजिल्याण्डले नेपालाई ३०३ रनको लक्ष्य दिएको छ। टस जितेर पहिले ब्याटिङ गरेको न्युजिल्याण्डले निर्धारित ओभरमा ८ विकेट गुमाएर ३०२ रन बनायो।
न्युजिल्याण्डका सेनिथ रेड्डीले १४७ रनको नटआउट शतकीय पारि खेलेका थिए। यसैगरी कप्तान ओसकार ज्याकसनले ७५ रन बनाउँदा टम जोन्सले ३३ रनको योगदान गरे। यस्तै लुकी वाट्सनले १४ तथा एलेक्ट थमसनले १३ रन बनाए।
नेपालमा सुवास भण्डारीले ३ विकेट लिँदा गुलसन झाले २ विकेट हात पारे । यसैगरी दीपेश कँडेल, तिलक भण्डारी र आकाश त्रिपाठीले एक एक विकेट लिए। नेपालले ३०३ रनको जवाफी लक्ष्यसहित ब्याटिङ थाल्दै छ।
नेपालले केही बेरमा जवाफी ब्याटिङ गर्नेछ।
