माघ १९, काठमाडौँ । साउदी अरेबिया भ्रमणमा रहेको लियोनल मेस्सीको इन्टर मियामीले क्रिष्टियानो रोनाल्डोको टिम अल नासरसँग लज्जास्पद हार व्यहोरेको छ। बिहीबार राति भएको मैत्रीपूर्ण खेलमा नासरसँग मियामी ६–० को फराकिलो अन्तरले पराजित भएको थियो।

अल नासरको जितमा टालीस्काले ह्याट्रिक गरेका थिए भने ओटाभियो, आइमेरिक लापोर्टे र मोहमद मरानले एक एक गोल गरेका थिए। ओटाभियोले तेस्रो मिनेटमै गोल गर्दै अल नासरलाई अग्रता दिलाए।

टालीस्काले १०औं मिनेटमा व्यक्तिगत पहिलो गोल गर्दा नासरले अग्रता दोब्बर बनायो। आइमेरिकले १२ औं मिनेटमा तेस्रो गोल गरेका थिए । पहिलो हाफमा ३ गोल गरेको नासरले दोस्रो हाफमा अरु ३ गोल थप्न सफल भयो।

५१ औं मिनेटमा पेनाल्टी प्रहार गर्दै टालीस्काले ब्यक्तिगत दोस्रो गोल गर्दा अल नासर ४ गोलले अघि बढ्न सफल भयो। ६८ औं मिनेटमा मोहमद मरानले गोल थपेका थिए। ७३ औं मिनेटमा मोहमद मरानले गोल गरेपछि अल नासर ६ ० को फराकिलो अन्तरले विजयी भयो।

इन्टर मियामीको साउदी टूरमा यो लगातार दोस्रो हार हो। यसअघि इन्टर मियामी अल हिलालसँग पनि पराजित भएको थियो। यस खेलमा अल नासरका क्रिस्टियानो रोनाल्डो इन्जुरिका कारण खेलेका थिएनन् भने लियोनेल मेसी ८४औ मिनेटमा मैदानमा प्रवेश गरेका थिए। मेसीले लियोनार्दो कमपानालाई रिप्लेस गरेर मैदान प्रवेश गरेका हुन्।