रियल मड्रिड लालिलाको शीर्ष स्थानमा
माघ १९, काठमाडौं । स्पेनिस लालिगा फुटबलमा रियल मड्रिड शीर्ष स्थानमा फर्किएको छ। यसअघि १ अंकले पछि रहेको रियल विहीबार रातिको खेलमा गेटाफेलाई २–० गोल अन्तरले पराजित गर्दै रियल तालिकाको शीर्ष स्थानमा फर्किएको हो।
रियल अहिले दोस्रो स्थानको जिरोनाभन्दा २ अंकले अगाडि छ। रियलको ५७ अंक हुँदा जिरोनाको ५५ अंक रहेको छ। रियलको जितमा दुवै गोल जोसेलुले गरेका थिए।
१४ औं मिनेटमा जोसेलुले लुकासको पासमा गोल गर्दै रियललाई अग्रता दिलाए। ५६ औं मिनेटमा जोसेलुले भिनिसियस जुनियरको पासमा गोल गर्दै अग्रता दोब्बर पारेका थिए। सोही अग्रता रियलले अन्तिमसम्म कायम राख्दै तालिकामा ३ अंक थप्न सफल भयो। पराजित भएको गेटाफे भने १० औं स्थानमा छ।
