एमाले महासचिव सवार गाडी दुर्घटना, पोखरेल सकुशल
माघ २८, काठमाडौं । नेकपा एमालेका महासचिव शंकर पोखरेल सवारी दुर्घटनामा परेका छन्। शनिबार महासचिव पोखरेल चढेको म १ च ३६९ नम्बरको स्कोरपियो जिप सुर्खेतबाट दैलेख जाने क्रममा दुर्घटनामा परेको हो।
गाडी दुर्घटनामा महासचिव पाखरेललाई सामान्य चोट लागेको छ। ट्रमा सेन्टरमा सामान्य उपचारपछि पोखरेल घर फर्किसकेका छन्।
उक्त दुर्घटना परी कर्णाली प्रदेश कमिटी उपसचिव पद्मा खड्को हात फ्याक्चर भएको उपमहासचिव विष्णु रिमालले जानकारी दिएका छन्। गाडी पल्टिएपछि अर्को गाडीमा चढेर महासचिव पोखरेल दैलेख बजारमा जिल्ला अधिवेशन उद्घाटन गरेर काठमाडौं फर्किएका थिए।
हाल उनी आफ्नै निवासमा आराम गरिरहेका छन्।
