इलाम–२ मतगणना : सुहाङ बढे अगाडि
वैशाख १६, काठमाडौं । इलाम प्रतिनिधि सभा क्षेत्र नम्बर २ अन्तर्गत फाकफोकथुम गाउँपालिकाका चार वडाको मतगणना सँकिदा एमालेका उम्मेदवार सुहाङ नेम्वाङले अग्रता बनाएका छन्।
फाकफोकथुम गाउँपालिकाका वडा नम्बर १, २, ३ र ४ को मत गणना सकिँदा नेम्वाङले नेपाली कांग्रेसका उम्मेदवार डम्बर खड्कालाई पछि पारेका हुन्। यसअघि आइतबार दिउँसोदेखि खड्काले अग्रता लिएका थिए।
जारी मतगणनाको ताजा अवस्थामा सुहाङले २ हजार ५ सय ४२ मत ल्याएका छन्। उता कांग्रेसका डम्बरले २१ सय ९७ मत ल्याएका छन्। यहाँ अब सुहाङले ३४५ मतको अग्रता बनाएका हुन्।
त्यस्तै, पहिचान पक्षका स्वतन्त्र उम्मेदवार डेकेन्द्र थेगिमले ५ सय ९३ र राष्ट्रिय स्वतन्त्र पार्टीका मिलन लिम्बुले ३७९ मत प्राप्त गरेका छन्।
