जेठ २५, मेलबर्न अष्ट्रेलिया । फिल्म ‘द होम बिफोर नाइट’का कलाकार छनौट गर्ने मेलबर्नमा अन्तिम अडिसन हुने भएको छ। अष्ट्रेलियन नागरिक ग्लानी ग्याक्कोनले निर्माण गर्न लागेको उक्त फिल्मका लागि आवश्यक कलाकार छनोटका लागि मेलबर्नमा अन्तिम अडिसन हुन लागेको हो।

अनलाइन अडिसनबाट केही कलाकार छनोट गरिसकेको र बाँकी कलाकार छनोटका लागि मेलबर्नमा अन्तिम अडिसन राखेको निर्माण पक्षले जनाएको छ। आप्रवासी विद्यार्थीले अष्ट्रेलियामा बसाइका क्रममा भोगेका कठिनाई र जन्मेको देश या कर्म गर्ने कुन देशलाई घर मान्ने भन्ने बारेको कथा बस्तु फिल्म बन्ने छ। फिल्ममा अभिनय गर्न इन्छुक अष्ट्रेलियामा वसोवास गर्ने नेपालीले अडिसनका लागि आवेदन दिन सकिने निर्मता ग्लानी ग्याक्कोनले जानकारी दएका छन्। उनले फिल्मका लागि अनुभवी कलाकार भन्दा पनि नयाँ अनुहारलाई प्राथमिकतामा राखेको बताए।

उनले फिल्ममा लगानी गर्न चाहने लगानी कर्ताले पनि सम्पर्क गर्न आग्रह गरेका छन्। [email protected] इमेलमा फोटो र आफ्नो परिचय पठाएका उपयुक्तलाई सट लिस्टेड गरी अडिसनमा लगिने उनको भनाइ छ। अष्ट्रेलियामा बसोबास गर्ने इच्छुक नेपालीलाई आवेदन दिन उनले आग्रह गरेका छन्। फिल्म ‘द होम बिफोर नाइट’लाई नेपाल र अष्ट्रेलियामा एक साथ प्रदर्शन गर्ने उनले बताए।

फिल्मको कथावस्तु निर्माता ग्याक्कोन आफैले लेखेका हुन्।