रोल्पामा जिप दुर्घटना : ७ जनाको मृत्यु, ८ घाइते
असार १७, रोल्पा । रोल्पामा भएको जिप दुर्घटनामा मृत्यु हुनेको संख्या ७ पुगेको छ। सो दुर्घटनामा पाँच जनाको घटनास्थलमै र दुई जनाको अस्पतालमा मृत्यु भएको प्रमुख जिल्ला अधिकारी खिमबहादुर रायमाझीले जानकारी दिए।
जिपमा सवार कुल १५ जना यात्रुहरुमध्ये सात जनाको मृत्यु भएको उनले पुष्टी गरे। मृतकहरुको सनाखत भने हुन नसकेको उनले बताए। माडी गाउँपालिका २ घर्तीगाउँबाट तालावाङ जाँदै गरेको लु १ ज ३२५२ नम्बरको जिप सोमबार साँझ दुर्घटना भएको थियो।
घाइतेहरुलाई उपचारका लागि भैरहवा रिफर गरिएको छ। जिप सडकबाट करिब ४०० मिटर तल खसेर दुर्घटनामा परेको थियो।
