यसैवर्षदेखि दिन सुरु गरिएको सामाजिक कार्यमा योगदान गरेवापतको सम्मान कार्यक्रम स्मार्ट राइनो कम्युनिटी एवार्ड यसवर्ष नेपाली समूदायका अगुवा एवं लिबरल फ्रेण्डस अफ नेपालका अध्यक्ष श्री नापित र बन्द भइसकेको मुटुको सफल प्रत्यारोपण गरी विश्वभरि नै नेपालीको नाम उजिल्याउन सफल डा. कुमुद धिताललाई प्रदान गरिने भएको छ । स्मार्ट राइनो ग्रुप अफ कम्पनिजले आगामी २९ अगष्टमा हुन लागेका फेशनमाण्डू २०१५ को स्टेजमा यी एवार्ड हस्तान्तरण गर्ने तयारी गरेको छ । कम्पनीका निर्देशक विनोद पौडेलले भने, यसवर्ष सुरुवात भएकोले हामीले तीन क्याटागोरीमा मात्रै एवार्ड प्रदान गरेका छौं । अर्कोवर्ष अझ व्यवस्थित गरेर अन्य विविध विधामा पनि एवार्ड दिइनेछ । पौडेलका अनुसार श्रीनापितलाई नेपालमा महाभूकम्प गएको बेला अष्ट्रेलियन सरकारसँग सम्पर्कसूत्रको रुपमा काम गरी नेपालमा सरकारी तवरमा धेरैभन्दा धेरै राहतका निम्ति गरेको पहलका निम्ति र डा. कुमुद धिताललाई अभूतपूर्व खोज र अनुसन्धानको माध्यमबाट नेपालीको श्रीबृद्धिमा योगदान गरेका कारण यो सम्मान गर्न लागिएको हो । यसैगरी वेष्ट मोडल अफ द ईयरको उपाधि त्यसै कार्यक्रममा सहभागीमध्येबाट एकजनाले पाउने पनि पौडेलले जानकारी दिए ।