युरोपेली महासङ्घ (ईयू) ले म्यानमारमा नोभेम्बर ८मा हुन गइरहेको मतदान पर्यपेक्षण गर्नका लागि एक टोली याङगुन पठाउने भएको ईयूद्वारा शुक्रबार जारी गरिएको एक विज्ञप्तिमा जनाइएको छ । ईयूले उक्त सम्बन्धमा म्यानमारको सरकारी अधिकारीसँग समझदारी गरिसकेको उक्त विज्ञप्तिमा जनाइएको छ । म्यानमारका लागि युरोपेली महासङ्घका राजदूत रोल्यान्ड कोबिया र एकता निर्वाचन आयोगका प्रमुख निर्वाचन आयुक्त ड माइन्ट कीले सम्झौता पत्रमा हस्ताक्षर गर्नुभएको विज्ञप्तिमा उल्लेख छ । छोटो तथा लामो कार्यकालका लागि युरोपेली महासङ्घ सम्बद्ध राष्ट्रहरू क्यानाडा, स्वीट्जरल्यान्ड र नर्वेका साथै राजदूतावासका कूटनीतिज्ञको १०० भन्दा बढी पर्यवेक्षकको समूह म्यानमार पठाइन युरोपेली महासङ्घ निर्वाचन अवलोकन टोली (ईओइम) मा समावेस हुनेछ । उक्त समूहका सदस्य चुनावको केही साता अघि नै म्यानमार आइपुग्ने समेत जनाइएको छ । म्यानमारको एकता निर्वाचन आयोगका अनुसार, अहिलेसम्म नोभेम्बरमा हुने चुनावमा ३२३ स्वतन्त्रसहित ६ हजार १८९ प्रत्यासीले भाग लिनका लागि आफ्नो उम्मेदवारी दिएका छन् । चुनावमा राजनीतिक दल सम्बद्ध ५ हजार ८६६ उम्मेदवारले आफ्नो उम्मेदवारी दर्ता गरिसकेका छन् ।