इराकमा बन्दुकधारीद्वारा ४२ कैदी बन्दीको अपहरण
एक अज्ञात बन्दुकधारीको समूहद्वारा उत्तरी इराकको सलाहुद्दिन प्रान्तबाट ४२ जना कैदीलाई अपहरण गरी लगेको छ । सरकारी स्रोतले जनाएअनुसार कालो पोशाकमा करिब २० वटा गाडीमा आएका लडाकूले कैदीलाई अपहरण गरी लगेको बताइएको छ । इराकी सेनाको दुजाली सहर नजिकैको १७ औँ ब्रिगेडबाट बसमा राखेर लग्ने क्रममा बसलाई बीचबाटोमा रोकी उनीहरूलाई अपहरण गरेको एक सुरक्षा अधिकारीले आफ्नो नाम गोप्य राख्ने सर्तमा सिन्ह्वालाई बताए । सेनाले उनीहरूमाथि लागेको आरोपमा यथेष्ट प्रमाणित भएको भन्दै बग्दादबाट रिहा गर्ने तयार गरेको थियो । अपहरणको पछाडि कसको हात रहेको र के उद्देश्यका लागि अपहरण गरिएको भन्ने कुरा अझै थाहा हुन सकेको छैन ।
