सिड्नीमा कार्यालय रहेको बाबा एजुकेशन कन्सल्टेन्सीले यस वर्ष धेरैभन्दा धेरै विद्यार्थीलाई सेवा दिएर तथा साउदर्न क्रस युनिभर्सिटीलाई धेरै विद्यार्थी उपलब्ध गराएर टप परफर्मिंग एजेन्ट २०१५ को उपाधि हासिल गरेको छ । बाबा एजुकेशन कन्सल्टेन्सीका प्रबन्ध निर्देशक रविन्द्रकुमार शर्माले दिएको जानकारी अनुसार केहीदिन अघि कलेजको तर्फबाट बाबा एजुकेशनलाई उक्त एवार्डबाट सम्मान गरिएको छ । साउदर्न क्रस युनिभर्सिटीका वरिष्ठ उपाध्यक्ष एडम रोबर्टस र मार्केटिंग म्यानेजर बु्रटेले संयुक्त रुपमा बाबा एजुकेशनलाई उक्त एवार्ड हस्तान्तरण गरेका थिए । एवार्ड हस्तान्तरण गर्न आयोजना गरिएको संक्षिप्त कार्यक्रममा बोल्दै युनिभर्सिटीका पदाधिकारीले बाबा एजुकेशनसँग काम गर्न निकै सहज भएको र आगामी दिनमा पनि यस्तै आशा गरिएको बताएका छन् । अर्कोतर्फ, बाबा एजुकेशनका प्रबन्ध निर्देशक रविन्द्रकुमार शर्माले छोटो समयमै सफलता हासिल गर्न सबैको साथ र सहयोग पाएकोमा धन्यवाद ज्ञापन गरेका छन् ।