अष्ट्रेलियाको भिक्टोरिया राज्यमा बसोबास गर्ने नेपालीहरुको साझा संगठन नेप्लीज एशोसिएसन अफ भिक्टोरिया (न्याभ) को वार्षिक साधारणसभा सम्पन्न भएको छ । मेलबर्नमा सम्पन्न साधारणसभाले आगामी मार्च २० तारिखमा नयाँ नेतृत्व चयन गर्नका लागि निर्वाचन गर्ने निर्णय समेत गरेको छ । साथै न्याभले धेरैभन्दा धेरै नेपालीहरुलाई सदस्यता वितरण गर्न सहज होस् भन्ने हेतुले सदस्यता शुल्क मिनाहा गर्ने निर्णय गरेको छ । निवेदन दिएकाहरुलाई कार्यसमितिले सदस्यता दिने तर, शुल्क भने केही समयका लागि मिनाहा गर्ने निर्णय भएको अध्यक्ष सुधिर शाक्यले एमएनटीभीलाई बताउनुभयो । वार्षिक साधारणसभामाले व्यापक छलफलपछि तयार गरिएको संस्थाको आगामी कार्ययोजना समेत पारित गरेको छ । अध्यक्ष शाक्यले भन्नुभयो, मिशन, भिजन हामीले तयार गरेका छौं र साधारण सभाले यसलाई पारित गरेको छ । यसका आधारमा संस्था दीर्घकालीन योजनामा अघि बढ्ने भएकोले यो निकै महत्वपूर्ण अधिवेशन बनेको छ । कार्यक्रममा संस्थाको वार्षिक गतिविधिसहितको रिपोर्ट, आर्थिक कारोबारको रिपोर्टहरु पनि अधिवेशनले स्वीकृत गरेको छ । भिक्टोरिया राज्यमा बसोबास गर्ने नेपाली समूदायलाई एकताबद्ध बनाउनका र उनीहरुको हित प्रबद्र्धन गर्नका निम्ति स्थापना गरिएको न्याभले बालबालिकाहरु, महिलाका निम्ति छुट्टै कार्यक्रम पनि सञ्चालन गरिरहेको छ । यस्तै वार्षिक खेलकुदका गतिविधिहरुमा समेत संस्थाले नियमित सञ्चालन गर्दै आएको छ । कार्यक्रममा भिक्टोरियाका लागि अवैतनिक महावाणिज्यदूत चन्द्र योञ्जन, नेपाली समूदायका अगुवाहरु जोग लिम्बु, बम योञ्जन, एनआरएन आईसीसी सदस्य ऋषि कँडेल, एनआरएन भिक्टोरियाका संयोजक केशव कँडेल लगायतले न्याभको भूमिका र आगामी दिनमा गर्नुपर्ने कार्यहरुको बारेमा आफ्नो सुझाव दिनुभएको थियो । न्याभको साधारणसभाले गरेका निर्णयबारे जानकारी दिँदै अध्यक्ष सुधिर शाक्य