सरकारी वार्ता विदेशीलाई देखाउने नाटकमात्र भएको मोर्चाको ठहर
संयुक्त लोकतान्त्रिक मधेसी मोर्चाले आन्दोलनलाई थप व्यवस्थित र मर्यादित बनाउने निणर्य गरेको छ । विराटनगरमा बसेको बैठकले आन्दोलनलाई निरन्तरता दिने निर्णय गरेको सङ्घीय समाजवादी फोरमका अध्यक्ष उपेन्द्र यादवले बताउनुभयो । उहाँले मोर्चाको माग सम्बोधन गर्न सरकार गम्भीर नभएको बताउँदै उहाँले भन्नुभयो– “सरकारले विदेशीलाई देखाउने नौटङ्की गरिरहेको छ ।” बैठकमा अध्यक्ष यादव, सद्भावना पार्टीका अध्यक्ष राजेन्द्र महतो, तराई–मधेस सद्भावना पार्टीका नेता महेन्द्र राय यादवलगायत मोर्चा आबद्ध मधेस केन्द्रित दलका केन्द्रीय नेता तथा झापा, मोरङ र सुनसरीका जिल्ला नेताको सहभागिता थियो ।
