वैशाख २२, काठमाडौँ । प्रमुख प्रतिपक्ष नेकपा एामालेका अध्यक्ष केपी शर्मा ओली आज (बिहीबार) सुदूरपश्चिम जाने भएका छन्। सुदूरका विभिन्न ठाउँमा हुने चुनावी सभालाई सम्बोधन गर्न ओली त्यहाँ जान लागेका हुन्।

उनले कञ्चनपुर र कैलालीका तीन ठाउँका चुनावी आमसभालाई सम्बोधन गर्ने कार्यक्रम छ। कञ्चनपुरको बेलौरी नगरपालिका, कैलालीको धनगढी र बर्दगोरियामा आयोजना हुने आमासभाको सम्पूर्ण तयारी पुरा भएको नेकपा एमाले कैलालीले जनाएको छ।

ओलीले कैलालीको बर्दगोरियामा आयोजना हुने चुनावी सभालाई बिहान साढे ११ बजे सम्बोधन गर्ने कार्यक्रम छ। त्यहाँको चुनावी सभा सकेर उनी कञ्चनपुरको बेलौरीमा हुने चुनावी सभालाई सम्बोधन गर्नेछन्। बेलौरीको चुनावी सभा सकेर दिउँसझ ४ बजे कैलालीको धनगढीमा आयोजित चुनावी सभालाई सम्बोधन गर्ने कार्यक्रम रहेको छ।

ओलीले विभिन्न पार्टी परित्याग गरी एमाले प्रवेश गर्नेहरुलाई स्वागत गर्ने कार्यक्रम पनि तय भएको छ।