सबै महानगरपालिकामा बिहानबाट मतगणना सुरु हुने
वैशाख ३१, काठमाडौँ । देशका सबै महानगरपालिकामा आज बिहानबाट मतगणना सुरु हुँदैछ। काठमाडौँ महानगरपालिकामा बिहान ८ बजेदेखि मतगणना हुने जनाइएको छ भने ललितपुर महानगरपालिकामा बिहान ७ बजेदेखि मतगणना सुरु हुनेछ।
काठमाडौँ महानगरपालिकाको मतगणना गणना स्थलमा राखिने प्रतिनिधि संख्यामा विवाद भएपछि राती सुरु हुन सकेको थिएन। प्रतिनिधिको संख्या मिलेपछि बिहान ८ बजेबाट सुरु गरिन लागिएको हो।
भरतपुर महानगरपालिकामा पनि बिहान ८ बजेपछि मतगणना सुरु गरिने सहमति भएको छ। विराटनगरमा बिहान ८ बजेदेखि मतगणना सुरु हुनेछ। पोखरा महानगरपालिकामा बिहानदेखि मतगणना सुरु हुने निर्वाचन आयोगले जनाएको छ।
