एमाले सचिव भट्टको गृह नगरमा काँग्रेसको अग्रता
जेठ १, कैलाली । नेकपा एमालेका सचिव लेखराज भट्टको गृह नगर कैलालीको गोदावरी नगरपालिकामा नेपाली काँग्रेसले मतान्तर बढाउँदै लगेको छ। गोदावरीमा कुल ४ हजार ९३२ मतगणना हुँदा गठबन्धनका तर्फबाट उम्मेदवार बनेका काँग्रेसका बिरेन्द्र भट्टले २ हजार १४० मत ल्याएका छन्।
उनलाई पच्छ्याइरहेका नेकपा एमालेका गोकर्ण भट्टले १ हजार ५७४ मत पाएका छन्। दुवैबीचको अन्तर ५६६ पुगेको छ। एमालेका उम्मेदवार भट्ट लेखराजका भाइ हुन्।
