बुद्ध ट्राभल्स एण्ड टुर्सले अब एडिलेडमा पनि शाखा विस्तार गरेको छ । साउथ अष्ट्रेलियाका अवैतनिक महावाणिज्यदूत दिपक धमला, गायक यशकुमार तथा संस्थाका निर्देशक भीम न्यौपानेले संयुक्त रुपमा नयाँ कार्यालयको शुभारम्भ गरेका हुन् । कार्यक्रमपछि बोल्दै प्रमुख अतिथि धमलाले नेपालीको संख्या बढेसँगै विभिन्न व्यवसायको पनि एडिलेडमा विस्तार भइरहेको बताउनुभयो । साउथ अष्ट्रेलिया होस् या अन्यत्र कतै जहाँ नेपाली छौं त्यहाँ नेपाल्ी व्यवसायीहरुले आफुलाई पुर्याउनु खुशीको कुरा हो । बुद्ध ट्राभल्सको शाखा विस्तारले नेपालमा पर्यटक बढाउन पनि सहयोग गर्ने मैले आशा लिएको छु । कार्यक्रममा गायक तथा नायक यश कुमारले भिन्न प्रकारको कामका लागि आएपनि यस्तो खुशीको मौकामा सरिक हुन पाउनुले गर्व महसूस भएको बताए । बाटो मुनीको फुल २ को प्रिमियरका लागि अष्ट्रेलियाका विभिन्न शहरमा पुग्ने क्रममा एडिलेड पुगेपछि यश कुमारले नेपाली व्यवसायीको व्यवसाय विस्तारको साक्षी बन्न पाउँदा गर्व महसूस भएको बताएका थिए । कार्यक्रममा बुद्ध ट्राभल्स एण्ड टुर्सका निर्देशक भीम न्यौपानेले समूदायको सहयोगका कारण शाखाहरु विस्तार गर्न सकिएको बताएका थिए । हामीले सन् २००८ देखि नै नेपाली समूदायका विभिन्न कार्यक्रममा साथ र सहयोग दिएर सहभागिता जनाइरहेका छौं, यसलाई अझै निरन्तरता दिनेछौं । एडिलेडको बुद्ध ट्राभल्स शाखाका प्रमुख सुशील कँडेल छन् भने कार्यक्रममा एनआरएन साउथ अष्ट्रेलियाका सदस्यहरु, व्यवसायी, लगायतको उपस्थिति रहेको थियो । बुद्ध ट्राभल्सले अहिले अष्ट्रेलियाका तीन शहर र न्यूजिल्याण्डमा समेत कार्यालय स्थापना गरेको छ ।