भारतीय प्रधानमन्त्री नरेन्द्र मोदी अकस्मात शुक्रबार अपराह्न पाकिस्तान पुगी आफ्ना पाकिस्तानी समकक्षी नवाज सरिफसँग भेट गर्नुभएको छ । मोदीको यो पहिलो पाकिस्तान भ्रमण हो । आफ्नो पाकिस्तानका लागि तय गरिएको भ्रमणका बारेमा प्रधानमन्त्री स्वयम्ले ट्वीट गरी जानकारी दिनुभएको थियो । त्यस्तै भारतीय प्रधानमन्त्रीको हैसियतले विगत १० वर्षयता पाकिस्तानको भ्रमण गर्ने मोदी पहिलो प्रधानमन्त्री हुनुहुन्छ । मोदीको एक अर्को ट्वीटमा आफूले पाकिस्तानी प्रधानमन्त्री नवाज सरिफलाई भेटगरी उहाँको जन्मदिनको अवसरमा शुभकामना व्यक्त गरेको जनाउनुभएको छ । मोदी पाकिस्तान भ्रमणका लागि पाकिस्तानको अलाम्बा इकवाल अन्तर्राष्ट्रिय विमानस्थलमा अवतरण भएपछि यहाँको सुरक्षा सतर्कता कडा पारिएको छ ।