जेठ २३, एजेन्सी । बलिउड अभिनेता सलमान खान र उनका बुबा सलिम खानलाई आइतबार ज्यान मार्ने धम्कीसहितको पत्र आएको छ। सलमान खान र उनका बुबालाई ज्यान मार्ने धम्की आएपछि मुम्बई प्रहरीले यसबारे अनुसन्धान थालेको छ।

आइतबार बिहान एक अज्ञात व्यक्तिले सलीम खानलाई ज्यान मार्ने धम्कीसहितको पत्र दिएको समाचार एजेन्सी पीटीआईले जनाएको छ। आइतबार बिहान मर्निङ वाकपछि सलमानका बुबा सलिम खान बान्द्राको ब्यान्डस्ट्यान्डको बेन्चमा बसिरहेका बेला एक अपरिचित व्यक्तिले बाबु छोरालाई ज्यान मार्ने धम्की दिएको बीबीसीले उल्लेख गरेको छ।

ज्यान मार्ने सहितको पत्र पाएपछि सलीम खानले आफ्ना सुरक्षाकर्मीको सहयोगमा प्रहरीलाई सम्पर्क गरेका थिए। खानले बान्द्रा पुलिस स्टेशनमा धारा ५०६ को (२) अन्तर्गत मुद्दा दर्ता गरेका छन्।

यसबारे अनुसन्धान थालिएको मुम्बई प्रहरीले जनाएको छ।