नेपाल बङ्गलादेशमा जारी बङ्गबन्धु गोल्डकप २०१६ को सेमिफाइनलमा प्रवेश गरेको छ । एक खेल बाँकी हुँदै सेमिफाईनलको यात्रा सुनिश्चित गरेको नेपालले बंगलादेशसँगको खेलमा जित हात पार्न नसके पनि खेल बराबरीमा रोक्ने सफलता पाएको छ । यससँगै समूहको विजेता बंगलादेश र उपविजेता नेपाल बनेको छ । प्रतियोगिताअन्तर्गत समूह ’ए’ को दोस्रो अन्तिम लिग खेलमा श्रीलङ्काले मलेसियाको फेल्डालाई २–१ ले हराएपछि नेपालले यो उपलब्धि हात पारेको हो । नेपालसँगै आयोजक बङ्गलादेश पनि अन्तिम चारमा प्रवेश गर्न सफल भएको छ ।
नेपाल र आयोजक बङ्गलादेशबीच आजै साँझ हुने समूहको अन्तिम खेलले समूह विजेताको टुङ्गो लाग्नेछ । समूह ए मा रहेको नेपाल र बङ्गलादेशको समान चार÷चार अङ्क छ । श्रीलङ्को ३ र मलेसियाको फोल्डा युनाइटेडको दुई अङ्का मात्र छ । यसअघि समूहचरणको पहिलो र दोस्रो खेलमा नेपालले क्रमशः मलेसियासँग गोलरहित बराबरी र श्रीलङ्कालाई १–० ले पराजित गरेको थियो ।