बास्केटबल प्रतियोगिता तीन महिनासम्म चल्ने
माछापुच्छ्रे क्लबले अक्टोबर ५ देखि हुने बास्केटबल प्रतियोगिताको विषयमा जानकारी गराएको छ । सिड्नीस्थित एसफिल्ड पार्कमा आयोजना गरिएको कार्यक्रममा उपस्थित नया र माछापुच्छ्रे क्लबका पदाधिकारीहरुले नेपाली युवाहरुलाई अन्यत्र मोडिनबाट रोक्न र उनीहरुको स्वास्थ्यलाई समेत ध्यानमा राखेर यस किसिमको अतिरिक्त क्रियाकलापहरु गरिएको जानकारी दिएका थिए । बार्बिक्युको व्यवस्थासहित आयोजित भेलामा अहिलेसम्म ७ वटा टिमले दर्ता गरिसकेको र यो संख्या अझै बढ्नसक्ने ईमेन्टस म्यानेजर उमेश थापाले जानकारी दिनुभयो। प्रतियोगितालाई परफर्मेन्स एजुकेशन र विज एजुकेशनले मुख्य प्रायोजन गरेको पनि बताइएको छ ।
