अष्ट्रेलियाको भिक्टोरियामा बसोबास गर्ने नेपाली समूदायमा रही समूदायको हित प्रबद्र्धनमा सहयोग गर्नेहरुलाई हरेक दुई वर्षमा दिँदै आएको न्याभ एक्सीलेक्स एवार्डका लागि आवेदन खुल्ला भएको छ । भिक्टोरियामा नेपालीहरुको सबैभन्दा ठूलो सञ्जाल नेप्लीज एशोसिएसन अफ भिक्टोरियाले गर्ने यो एवार्डका लागि मनोनयन गर्न आगामी मार्च २० तारिखसम्म पाइनेछ । न्याभले भाषा, कला र संस्कृति, व्यवसायिक वा विद्वता, प्रारम्भ, नेतृत्व र पैरवी, न्याभ उत्कृष्ट सेवा, योंग एचिभर एवार्ड लगायतका पाँच विधामा सम्मान गर्न लागेको हो । यी एवार्डमा मनोनित गर्नका लागि आवेदन परेकामध्येबाट निर्णायक मण्डलीले निर्णय गर्ने व्यवस्था गरिएको छ । जसका लागि रञ्जन वैद्यको नेतृत्वमा डा. राजु अधिकारी, डा. दिपकराज पन्त, बम योञ्जन, ऋषि कँडेल, दिपा राई र सुनिल भण्डारी रहेको छनोट समिति बनाइएको नेप्लीज एशोसिएसन अफ भिक्टोरियाले जनाएको छ । न्याभले हरेक दुई वर्षमा नेपाली समूदायमा रही समूदायकै लागि क्रियाशिल व्यक्तित्वहरुको योगदान र उपलब्धीको सम्मानका लागि न्याभ एक्सीलेक्स एवार्ड आयोजना गर्दै आएको छ । नोमिनेशनको लागि तल दिइएको लिंकमा थप जानकारी प्राप्त गर्न सकिनेछ ।