नेपाल भ्रमणमा रहनुभएका अष्ट्रेलियाको लेबर पार्टीको प्रतिनिधि मण्डलको सम्मानमा न्यू साउथवेल्सका लागि अवैतनिक महावाणिज्यदूत दिपक खड्काले रात्री भोजको आयोजना गर्नुभयो । उहाँको आफ्नै निवासमा आयोजना गरिएको रात्रीभोजमा पूर्वप्रधानमन्त्री झलनाथ खनाल, नेपालका लागि अष्ट्रेलियाका राजदूत ग्लेन ह्वाईट, नेकपा एमालेका सचिव प्रदिप ज्ञवाली, जनशक्ति पार्टीको विदेश विभाग प्रमुख नवराज सुवेदी, एनआरएनका अध्यक्ष शेष घले, एनआरएनका कानूनी सल्लाहकार विश्वकान्त मैनाली, पूर्वमन्त्रीहरु, सरकारी उच्चपदस्थ अधिकारीहरुको उपस्थिति थियो । औपचारिक रुपमा स्वागत गर्दै अवैतनिक महावाणिज्यदूत खड्काले छोटो समयकै आग्रहमा पनि रात्रीभोजमा सरिक भएकोमा आगन्तुक अतिथिहरुलाई धन्यवाद दिनुभएको थियो । अष्ट्रेलियन लेबर पार्टीको तर्फबाट न्यू साउथवेल्सका सिनेटर साम डास्ट्यारीले न्यानो स्वागतबाट आफु प्रसन्न भएको बताएका थिए । भ्रमण टोलीमा टोलीमा सिनेटर साम डस्ट्यारी सहित अष्ट्रेलियन लेबर पार्टीकी नेतृ ऐइशा कल्सम अमजद र अष्ट्रेलियन लेबर पार्टीको अन्तर्राष्ट्रिय सम्बन्ध समिति सदस्य हरिश भेलजी रहेका छन् । (बाँकी तस्वीरहरु हाम्रो फेसबुक पेजमा हेर्नुहोला ।