१०६ औं अन्तर्राष्ट्रिय महिला दिवसको अवसरमा नयाँ शक्ति नेपाल, अस्ट्रेलिया च्याप्टरले सागमा स्वर्ण विजेता दुई खेलाडीलाई सम्मान गरेको छ । मंगलबार काठमाडौमा आयोजित एक विशेष कार्यक्रममा सागमा स्वर्णपदक विजेता महिला उसु खेलाडी निमा घर्तीमगर र जुडो खेलाडी फुफुडोल्मा खत्रीलाई सम्मान तथा पुरस्कार प्रदान गरेको हो । नयाँ शक्ति नेपालको अन्तर्राष्ट्रिय विभाग अन्तर्गत अष्टे«लियाको सहयोगमा प्रतिखेलाडी २५ हजार नगर र सम्मानपत्र प्रदान गरिएको हो । कार्यक्रममा नयाँ शक्ति नेपाल युवा तथा खेलकुद विभागका संयोजक गंगा नारायण श्रेष्ठले खेलाडीलाई राज्यले बनाउनुपर्ने आवश्यक अनुकूल वातावरण बनाउन नसकेको बताए । नयाँ शक्ति महिला विभागकी संयोजक तथा पूर्वमन्त्री कल्पना धमलाले नेपाली चेलीले नेपाललाई संसारमा चिनाउन भूमिका खेलेको भन्दै राज्यले उनीहरुलाई सहयोग गर्नुपर्ने बताइन् । कार्यक्रममा नयाँ शक्तिका अन्तर्राष्ट्रिय विभाग संयोजक नवराज सुवेदीले खेलाडीहरुलाई राष्ट्रको गहनाको रुपमा चित्रित गर्दै उनीहरुलाई राज्यले उचित सम्मान र उपयुक्त वातावरण प्रदान गर्नुपर्ने बताए । एमएनटीभीसँग कुरा गर्दै नयाँशक्ति अष्ट्रेलियाका संयोजक विनोद पौडेलले कमिटीमा रहेका साथीहरुको सहकार्यमा देशको गौरव राख्ने चेलीहरुलाई नारी दिवसको दिन सम्मान गर्न पाउनु खुशीको कुरा भएको बताए । देशको नाम राख्न सफल उहाँहरुलाई अझ बढी प्रोत्साहनको खाँचो छ, पौडेलको भनाई छ ।