नेपालको मधेश क्षेत्रमा घर भई भिक्टोरियामा बसोबास गर्ने नेपालीहरुको संस्था मधेशी समाज भिक्टोरियाको आयोजनामा आइतबार भव्य होली कार्यक्रम सम्पन्न भएको छ । मेलबर्नको स्थानीय ब्रन्सविक ईष्टमा रहेको जोन्स रिजर्भ पार्कमा भएको होलीमा डिजे सेसनका साथै विभिन्न परिकार पनि आगन्तुहरुलाई पस्किइएको थियो । बहुसांस्कृतिक शहर मेलबर्नको मोरल्याण्ड सिटी काउन्सिलको सहयोगमा आयोजना गरिएको होलीमा भिक्टोरियाका लागि अवैतनिक महावाणिज्यदुत चन्द्र योञ्जन, नेप्लीज एशोसिएसन अफ भिक्टोरिया न्याभका अध्यक्ष सुधिर शाक्य पनि सहभागी हुनुभएको थियो । कार्यक्रममा आयोजकको तर्फबाट उहाँलाई स्वागत गरिएको थियो भने दिउँसो १२ बजेदेखि ४ बजेसम्म चलेको कार्यक्रममा सहभागिताको लागि निःशुल्क व्यवस्था थियो । मधेशी समूदायको होलीमा विभिन्न समूदायको पनि प्रतिनिधित्व थियो भने स्थानीय पनि चासोपूर्वक सहभागी बनेका थिए ।