कंगारूसँग मोटरसाइकल ठोक्किँदा अष्ट्रेलियामा एक पुरूषको मृत्यु
मंसिर १२, मेलबर्न अष्ट्रेलिया । कंगारूसँग मोटरसाइकल ठोक्किँदा एक जनाको मृत्यु भएको छ। आइतबार पर्थको पूर्वि क्षेत्रमा भएको उक्त दुर्घटनामा एक व्यक्तिको मृत्यु भएको हो।
आइतबार बिहान इंकपेन रोडमा ६८ वर्षीय व्यक्ति यामाहा मोटरसाइकलमा गइरहेका थिए। सोही क्रममा बाटो काटिरहेको कंगारूसँग मोटरसाइकल ठोक्किएको बताइएको छ।
मोटरसाइकल चालकको घटनास्थलमा नै मृत्यु भएको बताइएको छ। प्रहरीले अहिले यस घटनाबारे अनुसन्धान गरिहेको र कसैसँग घटनाबारे जानकारी भए सम्पर्क गर्न अनुरोध गरेको छ।
